काभ्रे,
अपाङ्गता भएका नगरवासीहरुलाई निःशुल्क स्वास्थ्य विमा गर्ने पाँचखालका नगरप्रमुख महेश खरेलले पहिलो निर्णय गरेका छन् । नगर प्रमुखको रुपमा दोश्रोपटक निर्वाचित भएका महेश खरेलले अपाङ्गता भएका नगरवासीहरुलाई निःशुल्क स्वास्थ्य विमा गरिदिने निर्णय सँगै दोश्रो कार्यकाल शुरु गरेका छन् । पाँचखाल नगरपालिकामा हालसम्म क बर्गका १ सय १० जना, ख बर्गका १ सय ९१ जना, ग बर्गका १ सय ९ जना तथा घ बर्गका ४८ जना गरि ४ सय ५८ जना अपाङ्गता भएका नगरवासी छन् ।
नगरपालिकामा रहेका अपाङ्गता भएका नगरवासीहरुको लागि स्वास्थ्य विमाको व्यवस्था गर्दै अपाङ्गता भएका व्यक्ति तथा उनीहरुको परिवारको समेत उपचारमा व्यवस्था मिलाउने निर्णय भएको पाँचखाल नगरका प्रमुख प्रशासकिय अधिकृत शिवप्रसाद हुमेगाईले जानकारी दिएका छन् ।
Facebook Comments Box
