अरनिको राजमार्गको साँगा खण्ड अवरुद्ध

काभ्रे,

सवारी साधनको ठक्करबाट निधन भएकाको आफन्तहरुले अरनिको राजमार्ग अन्तर्गत काभ्रेको साँगा खण्ड अवरुद्ध पारेका छन । हिजो मध्य राती सवारी साधनको ठक्करबाट बनेपा नगरपालिका वडा नम्बर १४ का ३२ बर्षीय विशाल तामाङको मृत्यु भएको थियो । आफन्तहरुले दोषीलाई कारबाही र क्षतिपूर्तीको माग राख्दै राजमार्ग अवरुद्ध परेका हुन् । सडक अवरुद्ध हुँदा राजधानी प्रवेश गर्ने र राजधानी बाहिरिने सयौँ सवारी साधन बीच सडकमै अलपत्र परेका छन् । सयौँ यात्रु हिडेर गन्तब्यमा पुग्ने कोशिस गरिरहेका छन् । ठूलो संख्यामा सुरक्षा कर्मी परिचालन गरिएको छ । प्रहरीले राजमार्ग खुलाउने प्रयास गरिरहेको छ ।
सवारी साधनको ठक्करबाट तामाङको मृत्यु भएको बताइए पनि ठक्कर दिने सवारी साधन भने अहिलेसम्म पत्ता लागेको छैन् । ठक्कर दिने सवारी साधनको खोजी भइरहेको प्रहरीले जनाएको छ ।