असहायहरुको सहार बन्दै सरमथलीका वडा अध्यक्ष विष्णुबहादुर तामाङ

काभ्रे,

तेमाल ३ सरमथलिका वडा अध्यक्ष विष्णुबहादुर तामाङ वडाका नागरिकहरुको सेवामा थप सक्रिय बन्दै गएका छन । सामाजिक सुरक्षा भत्ता लिन गाउँपालिका शाखा सिटिजन्य बैंकसम्म पुग्न नसक्ने अशक्त तथा बृद्धबृद्धाहरुलाई वडा अध्यक्ष विष्णुबहादुर तामाङको पहलमा घरैमा पुगि सामाजिक सुरक्षा भत्ता बितरण गरिएको छ ।

हिजो र अस्ति दुईदिन गरि वडाका २८ जना अशक्त तथा बैंकसम्म पुग्न नसक्ने सरमथलिका बृद्धबृद्धाहरुलाई भत्ता बितरण गरिएको हो । गाउँपालिका अध्यक्ष तामाङ , वडा सहयोगि गणेश तामाङ , तेमाल शाखा सिटिजन्य बैंक मेनेजर र बैंकका एक कर्मचारिको पहलमा वडाभित्रका अशक्त तथा बृद्धबृद्धाहरुलाई भत्ता बितरण गरिएको वडा अध्यक्ष विष्णुबहादुर तामाङले रेडियो रोशि लाई जानकारि दिएका छन । घरघरैमा भत्ता पाएपछि वडाका अशक्त भएका तथा बृद्धबृद्धाहरुले अध्यक्ष तामाङलाई धन्यबाद दिएका छन ।