काभ्रे,
रोशी गाउँपालिका वडा नं १० मा स्थायी रुपमा बसोबास गर्दै आएका दिनेश लामा यतिबेला चुनाबि मैदानमा उत्रिएका छन् । दिनेश लामाको जन्म वि. सं. २०३६ साल जेठ १७ गते महाभारत–४, बुढाखानीमा भएको थियो । कान्छामान योन्जन तामाङ र कान्छी माया तामाङका तेस्रो सन्तानको रुपमा जन्मिएका उनको परिवार हाल रोशी–१० मा स्थायी रुपमा बसोबास गर्दै आईरहेका छन । आफू जन्मिएको स्थानमा विद्यालय नहुँदा दिनेशशले निकै संघर्ष गर्नुपरेको थियो । सुरुवाती ६ महिना अनौपचारिक अध्ययन गरेका उनको औपचारिक शिक्षा गाम्रोन्नती प्रावि बाट भएको थियो । त्यहाँ कक्षा १ मा अध्ययन गरेपनि कक्षा २ मा पढ्न उनी विन्धवासिनी प्रावि मंगलटार पुगेका थिए । जन्म थलो बुढाखानीमै विद्यालय स्थापना भएपछि कक्षा ३ मा पढ्न गाउँकै भुमेश्वरी प्राविमा भर्ना भए पनि कक्षा ४ पढ्नको लागि गाउँमा विद्यालय थिएन । सन्तानको शिक्षाकै लागि उनको परिवार वाल्टिङ मा बसाई सरेको थियो । एसएलसी सम्मको अध्ययन उनले स्थानीय पञ्चकन्या माविमा गरे । कक्षामा सधै प्रथम हुने दिनेश २०५४ सालमा एसएलसी दोस्रो श्रेणीमा उत्र्तीण भएका थिए ।
महेन्द्र रत्न क्याम्पस ताहाचलबाट आइ.एड उत्तीणर् उनले ताहाचालबाटै अंग्रेजी विषय लिएर वि.एड अध्ययन गरेका थिए । लामा २०६६ सालमा त्रिचन्द्र क्याम्पसबाट समाजशास्त्र विषयमा स्नातकोत्तर फस्ट डिभिजनमा पास भएका थिए । त्रिभुवन विश्वविद्यालयबाट समाजशास्त्रमै एम. फिल गरे । अहिले लामा त्रिविमै पिएचडी अध्ययन गरिरहेका छन् । विद्यार्थी जीवनदेखि नै लामाले विद्यार्थी राजनीति शुरु गरेका थिए । २०६२÷६२ को आन्दोलनका बेला सक्रिय भूमिका निर्वाह गरेका दिनेशले त्यस समय ७२ घण्टासम्म प्रहरी प्रशिक्षण महाराजगन्जमा बन्दी जीवन विताउन बाध्य भएका थिए । पत्रकारीतामा पनि सक्रिय उनी प्रतिगमन विरुद्ध पटक–पटक अनसनमा बसेका छन् । रत्नराज्य क्याम्पसमा समाजशास्त्र विषयमा प्राध्यापन गराउदै आएका उनी भाषिक, जातीय उत्पीडनको विरुद्धमा आवाज उठाउने मध्येका एक सशक्त पात्र हुन् ।
राजनीतिलाई सम्मानित र समाजसेवाको उत्कृष्ट नमूना हो भनि प्रमाणित गर्न लामा राजनीतिमा निरन्तर कृयाशिल रहदै आएका छन । विद्यावारिधी (पिएचडी) सम्म अध्ययनरत लामा रोशी गाउँपालिकालाई समृद्ध बनाउने योजनासहित स्थानीय तहको निर्वाचन २०७९ मा गाउँपालिका अध्यक्ष पदमा उम्मेदवार बनेका छन् । नेपाली कांग्रेसको १२ औं महाधिवेशनमा शिवप्रसाद हुमागाई नेतृत्वको जिल्ला कार्यसमितिमा सदस्य निर्वाचित भएपछि जिल्ला प्रशिक्षण शाखा प्रमुखको रुपमा उनले धेरै स्थानमा पार्टीका प्रशिक्षण समेत चलाएका छन् । १३ औं महाधिवशेनमा मधु आचार्य नेतृत्वको जिल्ला कार्यसमितिमा सचिव निर्वाचित भएका थिए । कांग्रेसको १४ औ महाधिवेशनमा उनी काभ्रे प्रतिनिधिसभा क्षेत्र १ को सभापतिमा निर्वाचित भएका छन् । हाल गैरसरकारी संस्था नाङ्गसाल एसोसिएसनको अध्यक्ष रहेका उनले संस्थामार्फत शिक्षण सिकाई कृयाकलाप, बालबालिका, स्वास्थ्य, भूकम्पपछिको पुननिर्माणको क्षेत्रमा काम गर्दै आइरहेका छन ।
योजना निर्माण, कार्यान्वयन, दातृ निकायको समन्वय साझेदारीमा विशेष क्षमता र दख्खल राख्ने दिनेश स्थानीय सरकारको नेतृत्व गर्ने उपयुक्त पात्र हुन् । राम्रो पब्लिक रिलेसन भएका उनी स्थानीय तहलाई प्रदेश र संघ सरकारसंग जोड्ने दरबिलो पुलका रुपमा देखा परेका छन् ।
