काभ्रे,
नमोबुद्द नगरपालिका वडा नं ५ कानपुरले यहि फागुन २४ गते पर्ने ११२ औ अन्तर्राष्ट्रिय नारी दिबस “सामाजिक न्याय र लैङ्गिक समानता, दिगो विकासको सुनिश्चितता” भन्ने मुल नाराका साथ आजबाट मनाउन शुरु गरेको छ । दिबसकै अवसर पारेर आज लोकगित प्रतियोगिताको पनि आयोजना भएको थियो । नमोबुद्ध नगरपालिका को सहयोग एवम् देउराली महिला बिकाश बहुउद्देश्यीय सहकारी सस्थाको आयोजनामा कार्यक्रम को आयोजना भएको हो । वडा सदस्य तथा कार्यपालिका सदस्य जानुका पौडेल को प्रमुख आथिथ्यता, वडा नम्बर ५ का वडा अध्यक्ष बुद्दसिङ तामाङ को विशेष आथिथ्यता एवम् सानी साबित्रा पौडेल को सभापत्वमा कार्यक्रम संचालन भएको थियो । कार्यक्रमको अवसर मा एक जेष्ठ महिला स्वयमसेवीका लाई सम्मान गरिएको थियो ।
करिब २५० महिलाहरु तथा स्थानियहरुको सहभागितामा भएको उक्त कार्यक्रम मा समाजको यथार्थ चित्रण गर्ने लोकगित प्रस्तुत गरिएको थियो । कार्यक्रम मा प्रमुख अतिथि वडा ५ काञ्पुरका वडा अध्यक्ष , नेपाली काङ्ग्रेसका नेता सुर्य तामाङ, नेकपा माओबादी केन्द्रका नेता राजु धिताल लगायतले मन्तब्य राखेका थिए ।
