काभ्रे,
काभ्रेमा बितेको २४ घण्टामा ८६ जना कोभिडका बिरामी निको भएका छन् । योसँगै सक्रिय कोभिड बिरामीको संख्या ३१७ मा झरेको छ । पीसीआर र एन्टिजेन दुबै प्रविधिमा एक जनाले पनि परीक्षण नगराएका सम्भवतः ओमिक्रोन भेरियन्ट फैलिए यता पहिलो हो । काभ्रेमा बितेको २४ घण्टामा कोरोना परिक्षणको सख्या शुन्य रहेको छ । हाल २९ जना कोभिडका बिरामी अस्पतालको आईसोलेसनमा र २८८ जना होम आईसोलेसनमा रहेका छन् । काभ्रे सबै पालिकामा सयभन्दा कम सक्रिय कोभिडका बिरामी छन् ।
बनेपामा ९६ जना, धुलिखेल ९१ र पनौती नगरपालिकामा ६८ जना रहेका छन् । पाँचखालमा १६, नमोबुद्धमा ६ र मण्डनदेउपुरमा ८ जना कोभिडका बिरामी छन् । भुम्लुमा ११ जना, रोशीमा ७ जना, तेमाल र चौरीदेरालीमा ३÷३ जना, खानीखोला र महाभारतमा २÷२ जना तथा बेथानचोक गाउँपालिकामा ४ जना कोभिडका बिरामी रहेको स्वास्थ्य कार्यालय काभ्रेले जनाएको छ ।
