काभ्रे,
काभ्रे घर भएका केहि युवाको समृहले दरबारमार्गको प्लाटिनम डिस्कोमा एकजना युवकमाथि आक्रमण गरेका छन् । काभ्रे घर भएका सञ्जय लामा र मिलन कार्कीले सञ्चालन गरेका डिस्कोमा ६–७ जना काभ्रेका केहि युवाकोे समूहले आक्रमण गर्दा घाइते भएका प्रतिष भास्कर सिंहको टाउकोमा ७ ओटा टाँका लगाइएको प्रहरीले जनाएको छ ।
आज बिहान साढे ३ बजेतिर बालुवाटार बस्ने प्रतिष भास्कर सिंह काभ्रेली समूहको आक्रमणबाट घाइते भएका हुन् । आक्रमण गर्नेहरु बिरुद्ध पीडित सिंहको परिवारले प्रहरी वृत्त दरबारमार्गमा जाहेरी दिएका छन् । आक्रमणमा काभ्रेको नमोबुद्ध नगरपालिका घर भएका सञ्जय लामा, कुलध्वज लामा उर्फ कुले र डलर भनेर चिनिने डलर लामा लगायत संलग्न रहेको बताइएको छ । घटनाबारे प्रहरी वृत्त दरबारमार्गमा जाहेरी दर्ता गरेर थप अनुसन्धान भइरहेको जिल्ला प्रहरी परिसर काठमाडौंका एसपी दिनेशराज मैनालीले बताएका छन् ।
