काभ्रे,
जिल्ला प्रहरी कार्यालय काभ्रेले चैत्र १८ गते सञ्चालन गरेकोे म्यादी प्रहरीको लिखित परीक्षाको नतिजा सार्वजनिक गरेको छ । काभ्रेमा म्यादी प्रहरीको लिखित परीक्षामा २३ सय ३४ जना सहभागी भएका थिए । जसमध्ये २ हजार २७ जना उत्तीर्ण भएको जिल्ला प्रहरी कार्यालय काभ्रेका सूचना अधिकारी प्रहरी नायब उपरीक्षक हरि खतिवडाले जानकारी दिएका छन ।
स्थानीय तहको निर्वाचन २०७९ को लागि काभ्रेमा १६ सय ११ जना म्यादी प्रहरीको माग भएको छ । जसका लागि काभ्रेमा ८ सय ३४ जना महिला र २३ सय ३९ जना पुरुष गरी ३१ सय ७३ जनाले आवेदन दिएका थिए । खतिवडा अनुसार लिखित परीक्षामा छनौट भएकाहरुको अब चैत्र २० र २१ गते अन्तर्वार्ता हुने बताइएको छ ।
Facebook Comments Box
