खानीखोलाको जगथली स्वास्थ्य चौकीमा चैत ६, ७ र ८ गते निः शुल्क स्वास्थ्य शिविर हुने

काभ्रे,

काभ्रेको खानीखोला गाउँपालिका वडा नम्बर ४ जगथलीमा निःशुल्क स्वास्थ्य शिविर सञ्चालन हुने भएको छ । शिविर आगामी चैत महिनाको ६, ७ र ८ गते स्वास्थ्य शिविर सञ्चालन हुने नेपाल परिवर्तनशिल समाजका अध्यक्ष क्षेत्र बहादुर वाईबाले जानकारी दिएका छन । केयुका प्राज्ञिक औद्योगिक संयोजक डाक्टर राम लामा र ईन्जिनियर लक्ष्मण लामाको विशेष पहलमा नेपाल परिवर्तनशिल समाजले निः शुल्क स्वास्थ्य शिविर सञ्चालन गर्न लागेको हो ।
शिविरको निःशुल्क औषधी र प्राविधिक सहयोग रोटरी क्लब अफ धुलिखेलले गर्नेछ । शिविरमा महिला प्रजनन स्वास्थ जाँच र मुटु रोगको अत्यधुनिक मेसिनबाट जाँच हुनेछ । नि ः शुल्क स्वास्थ शिविर सञ्चालनका लागि रोटरी क्लब अफ धुलिखेल, नेपाल हृदय रोग निवारण प्रतिष्ठान काभ्रे शाखा र नेपाल परिवर्तनशिल समाज बीच त्रिपक्षीय पत्रमा सम्झौता गरेको छ ।