काभ्रे,
रोशी गाउँपालिका प्रमुख पदका उम्मेदवार दिनेश लामाले गाउँपालिकाभित्रका जनताहरुको आवश्यकता पुरा गर्ने आफ्नो पहिलो लक्ष रहेको बताएका छन् । गाउँपालिका भित्रका भौतिक पूर्वाधारहरुको तिव्ररुपमा विकास गर्ने बताएका छन् । अध्यक्ष पदमा नेपाली काङ्ग्रेसको उम्मेदवार दिनेश लामा र उपाध्यक्ष पदमा माओवादी केन्द्रको युवा तथा शालीन नेता मिम बहादुर वाइबा “ज्वाला” रहेको छ। नेपाली काँग्रेसबाट गाउँपालिका प्रमुख पदका उम्मेदवार लामाले गाउँपालिकाभित्रका भौतिक पूर्वाधार उनको पहिलो प्राथमिकता रहेको बताएका छन् ।
गाउँपालिका प्रमुख पदका उम्मेदवार लामा आफूले जितको पहिलो एक वर्षमा काभ्रेको दुर्गम ठाउँ रोशिलाई सुगम बनाउने इच्छा रहेको बताएका छन् । रोशी गाउँपालिका भित्रका वडाहरुमा प्रत्येक घरमा एक घर एक धारो निर्माण गर्ने बताउदै लामाले यहाँका प्रत्येक घरमा विद्युतको आवश्यकता पुरा गर्ने आफ्नो लक्ष रहेको बताएका छन् । १२ वटा वडा रहेको गाउँपालिकामा गएको स्थानीय तह निर्वाचनमा नेपाली काँग्रेसकै सरकार रहेको थियो । पहिला सर्पोट गरिएकोमा अब चाहिँ जनताको इच्छा र चाहनानुसार गाउँको विकास गर्न उम्मेदवारी दिएको लामाले बताएका छन् । यस्तै लामाले गाउँपालिका भित्र कृर्षिमा आधुनिकण गर्ने पनि बताएका छन् ।
