काभ्रे,
नेपाली काँग्रेस काभ्रेले भोली (आइतबार) बाट “घर घर जाउँ, काँग्रेस जिताऔं” अभियान सुरु गर्ने भएको छ । बनेपामा एक कार्यक्रमका बीच काँग्रेसले उक्त अभियान सुरु गर्न लागेको हो । उक्त अभियानको उद्घाटन नेपाली काँग्रेसका प्रवक्ता प्रकाशशरण महतले गर्नुहुने भएको छ । नेपाली काँग्रेस काभ्रेका सचिव गुणराज मुक्तानले उक्त अभियानको उद्घाटन समारोहमा १३५ वडाका पदाधिकारी, पालिका, क्षेत्र, प्रतिनिधिसभा, जिल्ला कार्यसमिति, महासमिति सदस्य, महाधिबेशन प्रतिनिधि, भातृ तथा शुभेच्छुक संघ संस्थाका प्रतिनिधि लगायतको उपस्थिती रहने जानकारी दिएका छन ।
उक्त अभियानका लागि नेपाली काँग्रेस काभ्रेले १३५ वटै वडामा जिल्ला प्रतिनिधि पठाउने निर्णय गरेको नेपाली काँग्रेसका सचिव माधव ढकालले जानकारी दिएका छन । ढकालका अनुसार जिल्ला सदस्य तथा पूर्व जिल्ला सदस्यले एक महिना भर उक्त वडाका घरघर र टोलटोलमा छलफल लगायत कार्यक्रम गर्ने छन । काँग्रेसले चैत ६ गते भित्र वडा स्तरीय भेला मार्फत “घर घर जाउँ, काँग्रेस जिताऔं” अभियान शुभारम्भ गर्ने, घर घरमा र टोलटोलमा जाने योजना निर्माण गर्नुपर्ने छ । टोल संवाद कार्यक्रम, घरघरमा प्रवेश, वडास्तरमा वान बुथ हन्ड्रेड यूथ निर्माण, वडा स्तरमा झन्डा, ब्यानर सहित ¥याली आयोजना गर्ने र कोण सभा गर्ने लगयातका कार्यक्रम रहेका छन ।
