काभ्रे,
जिल्ला समन्वय समिति काभ्रेको अध्यक्षमा गठबन्धन नेकपा एस बाट दीपक गौतम विजयी भएका छन् । आज समपन्न भएको जिल्ला समन्वय समिति काभ्रेको निर्वाचन जिल्ला समन्वय समितिको अध्यक्षमा गठबन्धनतर्फ नेकपा एकीकृत समाजवादीका उम्मेदवार दीपक गौतम एमालेका उम्मेदवार कमला भट्टराईलाई १८ मतले पराजित गरेर निर्वाचित भएका हुन् । गौतमले २२ मत पाएका छन् भने भट्टराईले ४ मत मात्र पाएकी छिन् । त्यसैगरि उपप्रमुखमा गठबन्धनको तर्फबाट नेपाली कांग्रेसका उम्मेदवार रिमबहादुर तामाङ नेकपा एमालेका उम्मेदवार राजेन्द्र केसीलाई पराजित गर्दै निर्वाचित भएका छन् ।
सदस्यहरूमा गठबन्धनको तर्फबाट उठेका अप्सरा सिप्खान(ढुंगाना) चण्डिका मिजार, नीरबहादुर लामा, मंगलबहादुर तामाङ, कृष्णकुमारी राई, रस्मिता भण्डारी विजयी भएका छन् । काभ्रेका १३ स्थानीय पालिका २६ पद मध्ये १३ पदमा कांग्रेस, नेकपा माओवादी केन्द्र ८, नेकपा एमाले ४ र एकीकृत समाजवादी एक पदमा निर्वाचित भएका छन् ।
