काभ्रे,
रोशी गाउँपालिकामा रहेको गठबन्धनका उममेदवारहरूले आफ्नो साझा प्रतिबद्धता पत्र सार्वजनिक गरेका छन् । आगामी निर्वाचनका लागि रोशी गाउँपालिकामा गठबन्धनको तर्फबाट अध्यक्षमा नेपाली कांग्रेसका नेता दिनेश लामा र उपाध्यक्षमा नेकपा (माओवादी केन्द्र)का नेता मिमबहादुर वाईवा उम्मेदवार बनेका छन् । जेष्ठ नागरिक, अपांगता भएका नागरिक र गर्भवती महिलाहरूको स्वास्थ्य सुरक्षाको ग्यारेन्टी गर्नको लागि उनीहरूको स्वास्थ्य सेवा निःशुल्क गर्ने तथा आर्थिक अवस्था कमजोर भएका एकल महिलाहरूको पहिचान गरी उनीहरूको लागि पनि निःशुल्क स्वास्थ्य सेवा उपलब्ध गराउने आफूहरूको लक्ष रहेको लामाले बताएका छन् ।
रोशी गाउँपालिका भित्र कृषी योग्य क्षेत्र भएकाले कृषीमा आमूल परिवर्तन ल्याउने योजना रहेको लामाले बताएका छन् । परम्परागत अवस्थामा सञ्चालन भैरहेको कृषी प्रणलीलाई आधुनीक प्रणालीको रुपमा परिणत गरेर त्यहाँको किसानहरूको आयआर्जनमा सूधार गर्नको लागि कृषीलाई कसरी बढी भन्दा बढी आयआर्जनमा उत्पादनशील बनाउन सकिन्छ त्यस तर्फ पनि ध्यान रहेको उनले बताएका छन् । फलामे साँघुमा निर्माण हुदै गरेको १५ शैयाको अस्पताल सम्पन्न गरि त्यस क्षेत्रमा सर्वसुलभ स्वास्थ्य सेवा पुर्याउने लक्ष रहेको पनि अध्यक्ष पदको उम्मेदवार लामाले बताएका छन् ।
