काभ्रे,
नेपालमा पहिलोपटक काठमाडौ उपत्यकाका केहि स्थानमा अफ्रिकन स्वाई फिभर रोग भेटिएको पशुसेपा विभागले जनाएको छ । काठमाडौंको कागेश्वरी मनोहरा क्षेत्रमा पालिएका बङ्गुरमा उच्च मृत्युदर देखा परे पछि सो क्षेत्रबाट नमुना सङ्कलन गरि केन्द्रीय पशुपन्छी रोग अन्वेषण प्रयोगशाला मलिकुलर र सिरोजोलीकल विधिबाट परिक्षण गरिएको थियो । सो क्रममा अफ्रिकन स्वाई फिभर भएको पाईएको विभागका सुचना अधिकारी डाक्टर चन्द्र ढकालले बताएका छन् । घर पालुवा सुँगुर बङ्गुर तथा जङ्गली बदेल प्रजातीमा लाग्ने यो रोग चैतको अन्तिम साता पहिलो पटक देखा परेको विभागले जनाएको छ ।
काठकाडौ उपत्यकाको कागेश्वरी मनहरा, किर्तपुर, चन्द्रागिरी, टोखा र दक्षिणकाली क्षेत्र, ललीतपुर जिल्लाको गोदावरी क्षेत्र र भक्तपुर जिल्लाको चाँगुनारायण क्षेत्रमा संक्रमण फैलिएको उनले बताएका छन् । यस रोगबाट हालसम्म १ हजार १९ बङ्गुर तथा सुङ्गुर मरेको पनि विभागले जनाएको छ ।
