काभ्रे,
नेपाली काँग्रेसले शुक्रबार (हिजो) काभ्रेको रोशी गाउँपालिका वडा नं ३ का संस्थापक सदस्य एवं जेष्ठ नागरिकहरुलाई सम्मान एवम् कार्यालयको उद्घाटन गरेको छ । नेपाली काङ्ग्रेसका केन्द्रीय सदस्य गणेश लामा र नेपाली काँग्रेस काभ्रे जिल्लाका सभापति तथा पूर्व संविधान सभा सदस्य तिर्थ लामाले संयुक्त रुपमा पार्टी कार्यालयको उद्घाटन गरेका थिए । सम्मानित हुनेहरुमा वडाका संस्थापक सदस्य एवं जेष्ठ नागरिकहरु काजी लामा, चन्द कुमार थोकर, पन्चवीर लामा, नारायण सिङ लामा, कान्छा लोप्चन तिलक बहादुर मगर लगायतलाई खादा लगाई प्रमाण–पत्र प्रदान गरि सम्मान गर्नुका साथै विभिन्न पार्टी त्यागेर प्रवेश भएकाहरुलाई स्वागत गरिएको थियो ।
उद्घाटन कार्यक्रमलाई सम्बोधन गर्दै केन्द्रीय सदस्य लामाले “घरघर जाऔं काङ्ग्रेस जीताऔ” अभियानलाई निरन्तरता दिनुपर्नेमा जोड दिएका छन । कार्यक्रममा आफ्नो भनाई राख्दै वक्ताहरुले व्यक्तिलाईभन्दा पार्टीलाई विश्वास गरेर अगाडि बढ्नु पर्ने कुरालाई जोड दिएका छन । आउँदो निर्वाचनमा सबै एकजुट भइ पार्टीलाई विजय गराउनका लागि सबै कार्यकर्ता क्रियाशिल भएर लाग्नुपर्ने उनले बताएका छन ।
नेपाली काङ्ग्रेसको केन्द्रीय सदस्य गणेश लामाको प्रमुख आतिथ्यता एवम नेपाली काङ्ग्रेस काभ्रे जिल्लाका सभापति तथा पूर्व संविधान सभा सदस्य तिर्थ लामाको विशिष्ट आतिथ्यतामा, पूर्व सभासद एवं महासमिति सदस्य हर्ष जित लामा, महासमिति सदस्य शङ्ख बुद्ध लामा, महासमिति सदस्य सार्किमान लामा, जिल्ला सदस्य गुणराज मोक्तान, जिल्ला सदस्य इन्द्र माया लामा, काभ्रे प्रतिनिधि सभा १ का सभापति दिनेश लामा, क्षेत्र सभा ख को सभापति चन्द्र बहादुर लामा, क्षेत्र सभा क को सचिव विद्या सागर लामा, क्षेत्रीय सदस्य बुद्ध लामा, नेपाली काँग्रेस रोशी गाउँपालिकाका सभापति दुधराज लामा, पालिका सदस्यहरु, पार्टीका युवा नेताहरु र वडा सभापतिहरुको उलेख्य उपस्थीती रहेको थियो ।
