प्रधानमन्त्री देउवा भोलि तेमाल आउनुहुने

काभ्रे,

प्रधानमन्त्री एवम् नेपाली काँग्रेसका सभापति शेरबहादुर देउवा भोलि काभ्रेको तेमाल गाउँपालिका आउने हुनुभएको छ । तेमाल गाउँपालिकाको नव निर्मित प्रशासकीय भवनको उद्घाटनका लागि चैत ५ गते (शनिवार) भोलि प्रधानमन्त्री तेमाल आउन लाग्नुभएको हो । तेमाल गाउँपालिकाले सूचना मार्फत चैत ५ गते विहान १० बजे प्रधानमन्त्री देउवा गाउँपालिका भवन उद्घाटन गर्न आउनुहुने जनाएको छ । पालिकाले उक्त कार्यक्रममा सहभागि हुन आमनागरिकलाई अपिल गरेको छ ।
उक्त कार्यक्रममा विविध सांस्कृतिक कार्यक्रम समेत हुने पालिकाले जनाएको छ । २०७६ साउन ७ मा गाउँपालिकाले प्रशासकिय भवन निर्माणको काम साङदोर्जे निर्माण कम्पनीलाई दिएको थियो । उक्त भवन चार करोड ५२ लाख ४७ हजार ६५३ रुपियाँमा निर्माण सक्ने गरी सम्झौता भएको थियो । उक्त भवन दुई बर्षको अवधिमा सम्पन्न भएको थियो ।