काभ्रे,
काभ्रे जिल्ला फुटबल संघको छैठौँ अधिवेशन तथा वार्षिक साधारण सभा सम्पन्न भएको छ । अखिल नेपाल फुटबल संघका केन्द्रिय कोषाध्यक्ष रविन्द्र जोशीको प्रमुख आतिथ्यतामा एवम् काभ्रे जिल्ला फुटबल संघका अध्यक्ष विकास नारायण श्रेष्ठको सभापतित्वमा काभ्रे जिल्ला फुटबल संघको छैठौँ अधिवेशन तथा वार्षिक साधारण सभा आज (शनिबार) बनेपामा सम्पन्न भएको हो । कार्यक्रमलाई सम्बोधन गर्दै प्रमुख अतिथि कोषाध्यक्ष रविन्द्र जोशीले खेलकुद क्षेत्रको विकासको लागि खेलाडीलाई अझ अब्ब्ल बनाउनुपर्नेमा जोड दिएका छन । काभ्रे जिल्ला खेलकुद संघलाई केन्द्रले भरपूर सहयोग गर्ने प्रतिबद्धता समेत व्यक्त गरेका छन ।
त्यस्तै काभ्रे उद्योग वाणिज्य महासंघ काभ्रेका महासचिव रबिन्द्र बैदारले खेलकुदमा राजनितिको हाबी हुन नहुने बताएका छन । खेलकुद क्षेत्रको विकासका लागि सुविधा सम्पन्न खेलकुद मैदानको आवश्यक रहेको उनले बताएका छन । काभ्रेलाई खेलकुदबाट पहिचान बनाउनका लागि खेलाडीहरुलाई महासचिव बैदारले आग्रह गरका छन ।
कार्यक्रम समबोधनकै क्रममा नेपाली काँग्रेस बनेपा नगर कमिटीका अध्यक्ष महेश कुमार कर्माचार्यले जनप्रतिनिधिले खेलकुदका क्षेत्रलाई कम प्राथमिकतामा राखेको बताएका छन । आफू खेलकुदको क्षेत्रबाट नै राजनितिमा प्रवेश गरेको बताउँदै भोलिको दिनमा खेलकुदको क्षेत्रमा आफूले सकेको सहयोग गर्ने उनले प्रतिबद्धता व्यक्त गरेका छन । कार्यक्रमा एन्फाका सह–सचिव राजेन्द्र न्यौपाने, एन्फाका केन्द्रीय सदस्य तथा रेफ्री संयोजक रबिन्द्रनाथ खोजु श्रेष्ठ, खेलकुद क्षेत्रका प्रतिनिधि, खेलाडीहरु, लगायतको उपस्थिती रहेको थियो ।
