काभ्रे,
जिल्लाको बेथानचोक गाउँपालिका वडा नम्बर २ मा संचालित आयोजनाको गाउँपालिका प्रमुख प्रशासकीय अधिकृत राजेन्द्र भण्डारीले अनुगमन गरेका छन् । बेथानचोक २ को दुर्लुङखोला स्थित संचालित साँघु अधिकारी टोल बतासे घिमिरे टोल मोटरबाटो सडक निर्माण कार्यको भण्डारीले निरीक्षण गरेका हुन् । बागमती प्रदेश सरकारबाट आ.व. ७८÷७९ का लागि बिनियोजित बीस लाख बजेटबाट निर्माण भइरहेको सडकमा तारजाली, ट्र्याक ओपन, कटिङ लगायत ६० प्रतिशत काम भैसकेको र मेसिनरी पक्की वाल, सोलिङ लगायतको काम सुरु भइरहेको वडा सदस्य राम प्रसाद अधिकारीले बताए भने अनुगमनबाट गुणस्तरीय कार्य गरि कार्य सप्पन्न गर्न थप मद्दत पुग्ने वडा सदस्य अधिकारीको भनाइ छ । बेथानचोक २ का समाजसेवी घननाथ तिमल्सिनाको अध्यक्षतामा रहेको समितिले सडक निर्माणको काम गरिरहेको छ ।
उक्त सडक निर्माण सम्पन्नपछि दुर्लुङ्खोला, अधिकारी टोल, मास्लोथली घिमिरेटोल, फाइमाराङ टोलका जनताहरु लाभान्वित हुनेछन् भने उक्त सडक ढुङ्गखर्क च्याम्राङबेशी सडकको बैकल्पिक सडकको रुपमा रहेको स्थानीयको भनाइ छ । अनुगमन पछि प्रशासकीय प्रमुख भण्डारीले जनप्रतिनिधिहरुको प्रत्येक निगरानीमा भइरहेको काममा कुनै कमजोरी नभएको र योजनाको काम तोकिएको मापदण्ड अनुसार समयमै सप्पन्न हुने बिश्वास व्यक्त गर्नुभएको गाउँपालिका सूचना अधिकारी एवम् इन्जिनियर ज्ञान प्रसाद तिमल्सिनाले जानकारी दिएका छन् ।
