बेथान्चोकमा निःशुल्क आँखा शिविर सम्पन्न, ४१ जनाको सफल शल्यक्रिया

काभ्रे,

काभ्रे जिल्लाको बेथानचोक गाउँपालिकामा निःशुल्क आँखा शिविर सम्पन्न भएको छ । बेथानचोक गाउँपालिकाको आयोजना , लाईन्स क्लब अफ कन्चनजंघा को प्राबिधिक सहयोग एवम् लाईन्स क्लब अफ बेथान्चोकको व्यवस्थापनमा आँखा शिविर सम्पन्न भएको हो । गत जेठ ३० , ३१ गते र असार १ गते गरिएको निःशुल्क आँखा शिबिरमा वडा नं २,५ र ६ नं वडाका ५१८ जना नागरिकहरुको आँखाको चेकजाच गरिएको थियो । जसमध्ये आँखामा मोतियाबिन्दुको समस्या देखा परेका ४१ जना नागरिकहरुको असार ७ र ८ गते सफल सल्यक्रीया गरिएको बेथानचोक गाउँपालिका वडा नं १ का वडा अध्यक्ष मधुसुधन तिमल्सिनाले जानकारी दिएका छन् ।