काभ्रे,
काभ्रे जिल्लाको भुम्लु गाउँपालिकामा मतगणना सम्पन्न भएको छ । गाउँपालिकाको अध्यक्ष र उपाध्यक्षमा गठबन्धनले फराकिलो जित हासिल गरेको छ । भुम्लु गाउँपालिकाको अध्यक्षमा नेकपा माओवादी केन्द्र का प्रेम बहादुर भुजेलले एमालेका प्रेम कुमार लामा (दोङ्ग) लाई १ हजार २ सय २४ मतले पराजित गरेका छन् । भुजेलले ५,७९२ मत प्राप्त गरेका थिए भने प्रतिस्पर्धी लामाले ४,५६८ मत प्राप्त गरेका थिए ।
यस्तै, गाउँपालिका उपाध्यक्षतर्फ नेपाली कांग्रेसका जितेन्द्र मान तामाङ्गले २ हजार ६९ मतले विजयी भएका छन् । तामाङ्गले ६,०९८ मत प्राप्त गरेका थिए भने उनका प्रतिस्पर्धी नेकपा एमालेका कल्पना कुमारी श्रेष्ठले ४,०२९ मत प्राप्त गरेकी छिन् ।
Facebook Comments Box
