काभ्रे,
सरकारले वैशाख ३० गते हुने स्थानीय तहको निर्वाचनको दिन मतदान केन्द्र नजिकै खोप केन्द्र स्थापना गरी कोरोनाविरुद्धको खोप लगाउने व्यवस्था गर्ने भएको छ । खोप लगाउन छुटेका १८ वर्षभन्दा माथिका नागरिकलाई मतदान गरिसकेपछि पहिलो, दोस्रो र बुस्टर तिनै प्रकारको खोप लगाउने व्यवस्था गरिने स्वास्थ्य सेवा विभाग परिवार कल्याण महाशाखा अन्तर्गतको खोप शाखा प्रमुख डा. सागर दाहालले बताएका छन ।
उनले मतदान केन्द्रमा खोप लगाउने विषयमा स्वास्थ्य सेवा विभाग परिवार कल्याण महाशाखा तयार रहेको र मन्त्रालयले निर्णय गर्नासाथ खोप केन्द्र बनाउनेदेखि लिएर खोपको व्यवस्थापन सम्बन्धी काम सुरु गरिने पनि बताएका छन । खोपको कुनै मात्रा लगाउन छुटेको भए खोप कार्ड लिएर जान र खोप लगाउन पनि उनले सबै नागरिकहरुलाई आग्रह गरेका छन ।
Facebook Comments Box
