काभ्रे,
यहि माघ २ गतेबाट सम्पर्क बिहीन भएकी सिन्धुपाल्चोक माइती भई काभ्रेको नमोबुद्ध नगरपालिका वडा नम्बर ५ घर भएकी श्रीजना भण्डारी (कोइराला) सुनकोशी नदी किनारमा मृत फेला परेकी छन् । जिल्ला प्रहरी कार्यालय काभ्रेका एसपी चक्रराज जोशीका अनुसार श्रीर्जनाको शव खुर्कोट स्थित सुनकोशी नदीमा फेला परेको हो । श्रीजनाका श्रीमान्ले शवको सनाखत गरिसकेको एसपी जोशीर्ले जानकारी दिएका छन ।
सँगै बेपत्ता भएका पनौती नगरपालिका वडा नम्बर ८ खरीबोट घर भएका ४० बर्षीय माधव प्रसाद फुयालको अवस्था अझै पत्ता लाग्न नसकेको प्रहरीले जनाएको छ । माधव प्रसाद फुयालको खोजी कार्य भइरहेको एसपी जोशीले बताएका छन । श्रीजना र फुयाल दोलालघाट स्थित इन्द्रावाती र सुनकोशी नदीका दोभानमा कपडा, चप्पल, पर्स लगाएतका सामग्री छोडेर बेत्तपा भएका थिए । मलामी गएका ब्यक्तिहरुले दोभानमा कपडा, चप्पल लगायतका सामग्री देखेपछि प्र हरीलाई खबर गरेका थिए । प्रहरीले बेपत्ता दुबै जनाको परिवारसँग सम्पर्क गरेर खोजीको पहल गरेको थियो ।
