काभ्रे,
मेलम्चीमा बाढी आएको एक वर्ष पुगेको छ । गत वर्ष असार १ गतेको बाढीले मेलम्चीमा २६ जनाको ज्यान गएको थियो भने धेरै मात्रामा भौतिक सम्पत्तिमा क्षति पुगेको थियो । सिन्धुपाल्चोकलाई सरकारले गत वर्ष सङ्कटग्रस्त जिल्लासमेत घोषणा गरेको थियो । तत्कालीन केपी शर्मा ओली नेतृत्वको सरकारले घरबारबिहीनलाई रु पाँच लाखका दरले रकम उपलब्ध गराउने घोषणा गरेको थियो तर उक्त निर्णय हालसम्म पनि कार्यान्वयनमा नआउदा बाढी प्रभावितको बिचल्ली भएको छ ।
बस्ती संरक्षण, स्थानान्तरण र पुनःनिर्माणका कुरा उठे पनि अहिलेसम्म काम भने हुन सकेको छैन । नदी तटीय क्षेत्रको खेतीयोग्य जमिन बगरमा परिणत भएको थियो । सयौँ स्थानीयवासी विस्थापित भएका थिए । उनीहरु सुरक्षित वासस्थानको पर्खाइमा छन् ।
Facebook Comments Box
