रोशीले बार अनुसार सेवा प्रवाह गर्ने

काभ्रे
देबराज उप्रेती,

सेवा ग्राहीहरुको अत्याधिक भिड भएपछि रोशी गाउँपालिकाले बार अनुसार सेवा प्रवाह गर्ने भएको छ । विश्वव्यापी रुपमा फैलिरहेको कोभिड १९ र गाउँपालिकामा कोभिड १९ को संक्रमण दर उच्च भएको सन्दर्भलाई ध्यानमा राखि गाउँपालिकाले सेवाग्राहिहरुलाई बार तोकेको हो । पालिकाले आज एक सूचना जारी गर्दै माघ १६ गते आइतबार बाट अर्को व्यवस्था नभए सम्म उक्त निर्णय लागू हुने जनाएको छ

। प्रकाशित सूचना अनुसार १६ गते बाट हप्ताको ३ दिन आइतबार, सोमबार र मंगलबार गाउँपालिकाको वडा नम्बर १ देखि ६ सम्मका लागि र बुधबार, विहिबार र शुक्रबार वडा नम्बर ७ देखि १२ सम्मका सेवाग्राहिहरुको लागि बार तोकिएको छ ।