काभ्रे,
काभ्रेको तेमाल गाँउपालिका वडा नं ३ को सरमथलिमा सुविधा सम्पन्न नव निर्मित वडा कार्यलय भवनको उद्घाटन भएको छ । करिब दुई वर्षको समय अवधिमा ५६ लाख लागतमा भवन निमार्णको कार्य सम्पन्न भएको वडा अध्यक्ष विष्णु बहादुर तामाङले जानकारी दिएका छन्। भवनको उद्घाटन तेमाल गाँउपालिकाका अध्यक्ष एंव कार्यक्रमका प्रमुख अतिथि सलाम सिंह तामाङले रिवन काटेर गरेका थिए। “ विकास निमार्णमा उच्चतम सहभागीता शु—शासन र समृद्ध नमुना सरमथली निमार्ण हाम्रो प्रतिबद्धता ”भन्ने अभियानका साथ लागी परेको यस वडाले आफ्नो नारालाई कार्यन्वयन ल्याउन सफल भएको छ । सबै नागरिकलाई योजना तर्जुमा देखी योजना कार्यन्वयन सम्म पारदर्शिताका साथ सहभागी गराउदै आएको यस वडाका नागरिक आफ्नो जनप्रतिधि देखी सन्तुष्टि छन्।एक स्थानीयका अनुसार आफुहरुले एक निस्वार्थ भावना भएको जनप्रतिनिधि पाएकोमा आफुलाई खुशी लागेको बताएका छन ।
कार्यक्रममा बोल्दै कार्यक्रमका सभापति एंव वडा नं ३ का वडा अध्यक्ष विष्णु बहादुर तामाङले ३० वर्ष देखी समाज सेवामा आफु लाग्दै आएको र समाज हितका लागी आफ्नो व्यक्तिगत सम्पती खर्च गरेर आएको बताए। आफ्ना वडाका बालबालिकाको शिक्षालाई गुणस्तर बनाउन टिउशन पढ्ने खर्च समेत आफैले दिने गरेको अध्यक्षले बताएका छन्।कार्यकाल सकिदै गर्दा आफुले योजना गरेका काम ३० प्रतिशत काम बाँकि रहेको हुदा सबैले साथ दिए पुनःएक पटक काम गर्ने जोस रहेको पनि अध्यक्ष तामाङ बताए।अब तत्कालै वडा नं ३ मा हस्पीटल बन्ने भएको छ । विभिन्न सरकारी तथा गैरसरकारी सस्थासँग समन्वय गरेर स्वास्थ्य, शिक्षा ,बाटोघाटो निमार्ण,पार्टी पौवा लगायतका क्षेत्रमा काम गदै आएको वडा अध्यक्ष तामाङले बताएका छन्।
कार्यक्रममा शुभकामना मनतव्य राख्दै तेमाल गाँउपालिकाका उपध्यक्ष एंव न्यायिक समितीका संयोजक साथै कार्यक्रमको विशेष अतिथि दुर्गामाया तामाङले वडा अध्यक्ष विष्णु बहादुर तामाङले काम गर्न प्रयाप्त बजेट र सहज वातावरण नहुदा नहुदै पनि यति राम्रो काम गर्न सफल भएकोमा बधाई दिएकी छिन्। यसरी नै सबै वडाले काम गरे तेमाल छिट्टै समृद्ध हुने बताइन्। तेमाल गाँउपालिकाका अध्यक्ष एंव कार्यक्रमका प्रमुख अतिथि सलाम सिंह तामाङले वडा अध्यक्ष मध्य राम्रो काम गर्ने जनप्रतिनिधि भएकोमा अध्यक्ष विष्णु बहादुर तामाङको प्रशंसा गरेका छन्।
तेमाल गाँउपालिकामा अहिले सम्म २ ओटा वडा कार्यलय र गाँउपालिका उद्घाटन भईसकेको छ । गत वर्ष तेमाल ६को वडा कार्यलय उद्घाटन भएको थियो भने गाँउपालिकाको कार्यलय चैत्र ५ गते प्रधानमन्त्री शेर बहादुर देउवाले उद्घाटन गरेका थिए।यस्तै तेमाल ३ सरथलीको भवन उद्घाटन गाँउपालिकाका अध्यक्ष लालाम सिंह तामाङले उद्घाटन गरेका हुन्।
कार्यक्रमकमा प्रमुख अतिथि सलाम सिंह तामाङ, विशेष अतिथि तेमाल गाँउपालिकाका उपाध्यक्ष एंव न्यायिक समीतिका संयोजक दृर्गामाँया तामाङ,वडा अध्यक्ष विष्णु बहादुर तामाङ, वडा नं ६ का वडा अध्यक्ष विकुलाल तामाङ ,नेपाली काँगेसका पुर्व सदस्य शुनिल लामा,नेपाल तामाङ शैक्षिक परामर्श केन्द्रीय अध्यक्ष कुलदास मुक्तन,नेकपा एमाले ,नेकपा माओवदी ,तरुण दलका प्रतिनिधि , नेपाली काँग्रेसका क्षेत्रिय प्रतिनिधि ,विद्यालयका प्रधानाध्यापक ,सुरक्षाकमी ,कलाकारहरु इन्दीरा गोले शशिकला मोक्तान,शुनता लुङ्बा,लगायत स्थानीयहरुको बाक्लो उपस्थीति रहेको थियो।
