काभ्रे,
सेञ्चुरी कमर्सियल बैंकको ११ औं स्थापना दिवसको अवसरमा धुलिखेल शाखाले जेष्ठ नागरिक सेवा केन्द्र, काभ्रे धुलिखेललाई फर्निचर सहयोग गरेको छ । धुलिखेल शाखाका प्रमुख हरिकृष्ण दाहालले संस्थागत सामाजिक उत्तरदायित्व कार्यक्रम अन्र्तगत शनिवार केन्द्रलाई फर्निचर सहयोग गरेको जानकारी दिनुभयो । उहाँका अनुसार केन्द्रलाई एक दर्जन कुर्सी, दुई टेवल र एक दराज सहयोग गरिएको थियो । जेष्ठ नागरिक सेवा केन्द्रका अध्यक्ष दिलसुन्दर श्रेष्ठको सभापतित्वमा भएको कार्यक्रममा प्रमुख जिल्ला अधिकारी हुमकला पाण्डेको प्रमुख आतिथ्यता रहेको थियो । उक्त अवसरमा बैंकले गीता मन्दिर सरसफाई समेत गरेको थियो । सेञ्चुरी बैङकको काभ्रेमा सात शाखा रहेको छ ।
बैङकको कुल शाखा १२८ पुगेको छ भने १० वटा एक्सटेन्सन काउन्टर र २५ वटा शाखा रहित बैिकड्ढ र १०७ वटा एटिएम मार्फत वित्तीय सेवा प्रदान गर्दै आएको छ ।
सोही कार्यक्रममा चु जी फाउण्डेशनले एक सय जना जेष्ठ नागरिकलाई ब्लाङकेट वितरण गरेको थियो । धुलिखेल उद्योग बाणिज्य संघका अध्यक्ष मञ्जूकुमार कोजूको पहलमा उक्त ब्लाङकेट वितरण गरिएको थियो ।
केन्द्रमा अहिले १९० जेष्ठ नागरिक रहेका छन । हरेक हप्ताको शनिवार भजन, किर्तन, प्रवचन लगायतका कार्यक्रम हुँदै आएको छ । कोरोनाका कारण करिब दुई बर्ष भेला बन्द गरेको सेवा केन्द्रले शनिवारबाट नियमित गर्ने केन्द्रका अध्यक्ष श्रेष्ठले जानकारी दिएका छन । केन्द्रले धुलिखेल मै २० आना जग्गा किनेको जानकारी दिदै त्यहाँ भवन बनाउने बिषयमा छलफल भै रहेको श्रेष्ठले बताएका छन । प्रमुख जिल्ला अधिकारी पाण्डेले जेष्ठ नागरिकको अनुभवलाई आउँदो पुस्तामा हस्तान्तरण गर्दै जान सक्नुपर्नेमा जोड दिएका छन । सेञ्चुरी बैंक धुलिखेल शाखाका प्रमुख दाहालले बैंक सम्म आउन नसक्ने जेष्ठ नागरिकलाई घरदैलो मै पुगेर बैंकले सामाजिक सुरक्षा भत्ता वितरण गर्दै आएको बताएका छन ।
