सोनाम ल्होछारको अवसरमा काभ्रेका यी स्थानीय तहमा आजदेखि सार्वजनिक बिदा

काभ्रे,

आफ्नो पालिकामा सोनाम ल्होछार मनाउने समुदायको संख्या लाई आधार मानि काभ्रेका धेरै जसो स्थानीय तहहरुले आजदेखि सार्वजनिक बिदा दिएका छन् । २८५८ औँ सोनाम ल्होछारको अवसरमा तेमाल गाउँपालिकाले १८, १९ र २० गते सार्वजनिक बिदाको घोषणा गरेको छ । त्यसैगरी रोशी गाउँपालिका, खानीखोला गाउँपालिकाले पनि १८ देखि २० गतेसम्म सार्वजनिक बिदा दिने निर्णय गरेको छ । नमोबुद्ध नगरपालिकाले पनि आजदेखि २० गतेसम्म सार्वजनिक बिदा दिएको छ । चौरीदेउराली गाउँपालिकाले १८ र १९ गते र बेथानचोक गाउँपालिकाले १९ गते १ दिन ल्होछारको अवसरमा बिदा दिने भएको छ ।
कतिपय पालिकाले भने सार्वजनिक बिदा घोषणा गरिसकेका छैनन् । पनौती, धुलिखेल, मण्डनदेउपुर, बनेपा नगरपालिका, महाभारत र भुम्लु गाउँपालिकाले यो वर्षको ल्होछारका लागि सार्वजनिक बिदा दिने निर्णय गरिसकेका छैनन् ।