काभ्रे,
युवा तथा साना व्यवसायी स्वरोजगार कोषले यसवर्ष १२ हजार युवालाई उद्यमशील बनाउने भएको छ । कोषले खासगरि महिला व्यवसायी र उत्पादनमुखी व्यवसायलाई प्राथमिकताका साथ लगानी गरिरहेको कोषले जनाएको छ । १२ हजार युवालाई यसवर्ष उद्यमशील बनाउने लक्ष्य भएपनि यो सङ्ख्या पर्याप्त नभएको कोषका कार्यकारि निर्देशक विश्वमोहन अधिकारीले बताएका छन । कोषले सुरुमा २ लाख र आवश्यकताका आधारमा ५ लाखसम्म थप लगानी गर्ने गरेको छ । सो ऋण ४२ महिनाभित्र भुक्तान गर्नुपर्ने व्यवस्था रहेको छ ।
स्वदेशमा नै साना तथा घरेलु व्यवसाय सञ्चालन गर्न अभिप्रेरित गर्दै कोषले चालुवर्षको साउनदेखि हालसम्म ६ हजारभन्दा बढिलाई सहुलियत ब्याजदरमा २ लाख रुपैयाँ ऋण उपलब्ध गराएको छ । युवा तथा खेलकुद मन्त्रालय अन्तर्गतको युवा तथा साना व्यवसायी स्वरोजगार कोषले स्थापना भएको १३ वर्षको अवधिमा ८४ हजार ४ सय भन्दाबढिलाई सहुलियत ब्याजदरमा ऋण दिई उद्यमशील बनाएको छ ।
