२०७६-०६-१४ रोशी सहकर्मि,
यौन दूराचारको आरोप लगेका सभामुख कृष्णबहादुर महराले पदबाट राजीनामा दिएका छन् । महराले आज (मंगलबार) उपसभामुख शिवमाया तुम्बाहाम्फेमार्फत् राजीजामा दिएका हुन् । यौन दूराचारको आरोप लागेपछि महराले पार्टीका शीर्ष नेताहरुसँग परामर्श गरेका थिए । महराले आफ्नो राजीनामा पत्रमा आफुमाथि लागेको आरोपमा सत्यतथ्य छानविन गर्न सहज होस् भनेर राजीनामा दिएको बताएका छन् ।
उनको राजीनामामा “हिजोदेखि विभिन्न सञ्चारमाध्यममा मेरो चरित्रमा गम्भीर प्रश्न उठाइ लगाइएको आरोपबारे सत्यतथ्य निश्पक्ष र स्वतन्त्र छानविनका लागि अनुसन्धान गर्न सहज होस भनी नैतिकताका आधारमा आजकै मितिदेखि छानविन प्रकृया नसकिदासम्मका लागि राजीनामा दिएको छु,’ भनिएको छ ।

त्यस्तै, सत्तारुढ दल नेपाल कम्युनिस्ट पार्टी नेकपाको आकस्मिक सचिवाल बैठकले पनि पदबाट राजीनामा दिन सुझाएको थियो ।
संसद सचिवालयमा कार्यरत एक महिला कर्मचारीलाई सभामुख महराले यौनदुव्र्यवहार गरेको आरोप लागेको घटना हिजो (सोमबार) सार्वजनिक भएको थियो । उनले सभामुख महराले आफूलाई जबरजस्ती करणी गरेको आरोप लगाएपछि महरा पदबाट राजीनामा दिन बाध्य भएका हुन् ।
महराको सचिवालयले सोमबार बेलुका सभामुखलाई फसाउने षड्यन्त्र भएको दावी गर्दै प्रेश विज्ञप्ति जारी गरेको आरोप लगाएको छ । उनले आफूमाथि लागेको आरोपको निष्पक्ष छानबिनका लागि नैतिकताका आधारमा आजैदेखि लागू हुने गरी राजीनामा दिएको घोषणा गरेका छन् । उनले लेखेको राजीनामा पत्रमा घटनाको छानबिन नसक्दा सम्मका लागि राजीनामा दिएको उल्लेख गरेका छन् ।

Facebook Comments Box