रोशी सहकर्मी–कार्तिक ०७
प्रतिबन्धित बिप्लव समूहका तीन नेतालाई जिल्ला प्रहरी कार्यालय काभ्रेपलाञ्चोकले पक्राउ गरेको छ । हिजो बुधबार मध्यराती जिल्ला प्रहरी कार्यालय काभे्रले पनौती नगरपालिका र रोशी गाउँपालिकाबाट उनीहरुलाई पक्राउ गरेको थियो ।
जिल्ला प्रहरी कार्यालय काभे्रका प्रहरी नायव उपरीक्षक (डीएसपी) दीपक गिरीले पनौती वडा नं ९ शंखुबाट ३० बर्षीय जिल्ला नेता सुन्तली थोकर र राशी गाउँपालिकाको वडा न ३ शिखरआम्बोटेबाट ३१ बर्षीय कृष्णबहादुर मगर र रोशी गाउँपालिका वडा न ५ सिसाखानीबाट ३० बर्षीय आशामान तामाङ पक्राउ गरिएको जानकारी दिए ।
पक्राउ परेकी सुन्तली थोकरले आफू काभे्र जिल्ला सेक्रेटरी रहेको प्रहरीलाई बताएको डीएसपी गिरीले बताए । कृष्णबहादुर विप्लवको जिल्ला सदस्य तथा आशामान माओवादीका पुराना नेता रहेको जिल्ला डीएसपी गिरीले जानकारी दिए । उनले तीनै जनाको अनुसन्धान भइरहेको बताएका छन् । काभे्रका प्रतिबन्धित विप्लव समूहको गतिविधी बढेको खबर आएसँगै प्रहरीले जिल्लाभर उनीहरुको खोजीका लागि प्रहरी परिचालन गरेको छ । केही महिना अगाडि काभे्रको खानीखोला गाउँपालिकाको मिल्चेबाट केन्द्रीय नेता हेमन्तप्रकाश वली सहित नौ जना नेता प्रहरीले पक्राउ गरेको थियो ।

Facebook Comments Box