रोशी सहकर्मी–कार्तिक ०८,
रोटरी इन्टरनेसनलले संसारबाटै पोलियो उन्मूलन गर्ने अभियान चलाइरहेको ३० वर्ष पुरा भएको छ । १ सय २२ राष्ट्रका पाँच वर्षमुनिका २ अर्ब ५० करोड बालबालिकालाई खोपका लागि रोटरीले सघाइरहेको छ । यसका निम्ति रोटरीले हालसम्म १ अर्ब ८० करोड अमेरिकी डलर सहयोग गरिसकेको छ । रोटरीकै यही पहलले आज अफगानिस्तान, नाइजेरिया र पाकिस्तानबाहेकका मुलुकहरुमा करीब शतप्रतिशत पोलियो रोग उन्मूलन भइसकेको छ । यदि अहिले भइरहेका सबै प्रयासहरुमा रोकावट आएको खण्डमा आगामी १० वर्षभित्रमा पोलियोकै कारण अपाङ्ग हुनसक्ने बालबालिकाहरुको संख्या वर्षेनी २ लाखका दरले बढ्दै जाने रोटरीले चेतावनी पनि दिएको छ । रोटरीले एक बालबालिकालाई पोलियो खोपको सबै मात्रा पुरा गराउनका लागि औसत ३ अमेरिकी डलर खर्च गर्दै आएको जनाएको छ ।

Facebook Comments