रोशी सहकर्मी–असार २७,
२०७७,काभ्रे/

काभ्रे घर भई यूएईमा बस्दै आएका हरिशरण खड्कालाई नेपाल ल्याइएको छ । इन्टरपोलमा रेड कर्नर नोटिस जारी भएपछि यूएईमा समातिएका खड्कालाई आवश्यक कानुनी प्रक्रिया पूरा गरेर आज (शनिबार) काठमाण्डौ ल्याइएको नेपाल प्रहरीले जनाएको छ ।

उनी २०७५ माघमा यूएईमा समातिएका थिए । खड्कासहित १२ जनाविरुद्ध अन्तर्राष्ट्रिय प्रहरी सङ्गठन इन्टरपोलमा रेड नोटिस जारी भएको थियो । काभ्रे घर भएका खड्का यूएईमा बस्दै आएका थिए ।

केन्द्रीय अनुसन्धान ब्युरो सीआईबीले २०७३ पुसमा बरामद गरेको साढे ३३ किलो सुन प्रकरणमा पनि उनी मुछिएका छन् । प्रहरीका केन्द्रीय प्रवक्ता डीआइजी निरजबहादुर शाहीका अनुसार खड्काबारे थप अनुशन्धान भइरहेको छ ।

Facebook Comments