फागुन १०,
२०७७,काठमाण्डौ/

शनिबार सम्पन्न एनएनआइपिए स्पोर्टस् अवार्डमा वर्षका उत्कृष्ट खेलाडीहरु पुरस्कृत भएका छन् । वर्षको २६ उत्कृष्ट खेलाडी मध्य स्क्वासकि स्वर्ण बिजेता विपना ब्लोन पनि पर्न सफल भएकी छन् । ब्लोन गत वर्ष स्वदेशमै सम्पन्न १३ औं दक्षिण एसियाली खेलकुद सागको स्वर्ण बिजेता र स्क्वासकी राष्ट्रिय खेलाडी समेत हुन् ।

अघिल्लो वर्षभर गरेको प्रदर्शनको आधारमा सम्बन्धित राष्ट्रिय संघले गरेको सिफारिसका आधारमा विभिन्न खेलका खेलाडीलाई एनएनआईपिए बर्षको उत्कृष्ट खेलाडी अवार्डबाट सम्मानित गरिदै आएको छ ।

मध्यपुर थिमीको दुई पोखरीमा आयोजना भएको अवार्ड कार्यक्रममा सबै खेलाडीले एनआइपिए र सम्बन्धित संघले संयुक्त रुपमा १० हजार रुपैयाँ प्राप्त गरे ।

मध्यपुर थिमी नगरपालिका सहआयोजक रहेको अवार्डमा केल्मी नेपाल, प्लाजा होटल ग्रुप, राष्ट्रिय खेलकुद परिषद्, नेपाल ओलम्पिक कमिटी, गजराज जोशी ट्रष्ट, ग्लोबल आइएमइ बैंक, श्रीनाथ कलेक्सन, राइका टुर्स एन्ड ट्राफल्स, स्काई फिट, आदर्शक समाज विकास केन्द्रको साथ रहेको एनआइपिएले जनाएको छ ।

Facebook Comments