रेडियो रोशी,
काभ्रे जिल्लाको रोशी गाउँपालिका वडा नं. ९ मंगलटारमा अवस्थित इलाका प्रहरी कार्यालय मंगलटारद्वारा नागरिक सुनुवाई कार्यक्रम सम्पन्न गरेको छ । हिजो सोमबार रोशी गाउँपालिकाको सभाहलमा नागरिक सुनुवाई कार्यक्रम सम्पन्न भएको हो ।
नागरिक सुनुवाई कार्यक्रममा रोशी गाउँपालिकाका अध्यक्ष दिनेश लामाले विपदको वेलामा प्रहरीकोे महत्वपूर्ण योगदान हुने बताउनुभयो । विपदमा प्रहरीकै सहयोगमा जनप्रतिनिधि र कर्मचारीहरू मिलेर नागरिकको सेवामा खटेको भन्दै प्रहरी विना जनप्रतिनिधि र कर्मचारीले मात्र नागरिकको सुरक्षा दिन नसक्ने लामाले बताउनुभयो ।
नागरिकको सुरक्षामा खटिने प्रहरीका लागि गाउँपालिकाले सहयोग गर्ने गाउँपालिका अध्यक्ष लामाले प्रतिवद्धता व्यक्त गर्नुभयो । संवेदनशील स्थानहरूमा सिसिटिभी जडान भएको र अन्य स्थानमा पनि क्रमशःथप्दै जाने उँहाकोे भनाई छ ।
नेपाल टेलिकमको नेटर्व २४ सै घण्टा नहुने समस्याको समाधानका लागि गाउँपालिकाको टिम सम्बन्धीत निकायसँग छलफल गरीरहेको र छिटै समाधान गर्ने प्रतिबद्धता पाएको उँहाको भनाई छ ।
सो कार्यक्रममा इलाका प्रहरी कार्यालय मंगलटारले आर्थिक बर्ष २०८०÷०८१ को पहिलो चौमासिकमा गरेको क्रियाकलापहरूको बारेमा जानकारी गराएको थियो । इलाका प्रहरी कार्यालय मंगलटारका प्रमुख तथा प्रहरी निरिक्षक पञ्चलाल गोलेले पहिलो चौमासिकमा ६६ वटा सवारी दुर्घटना भएको जानकारी दिनुभयो ।
सो दुर्घटनामा ४६ जनापुरुष र ११ जनामहिला घाईते भएको उँहाको भनाई छ । सवारी दुर्घटनामा २ जनाको मृत्यु भएको उनले जानकारी दिनुभयो । त्यस्तै २ जनालाई जबरजस्ती करणी गरेको आरोपमा मुद्धा परेको, १ जनाले झुण्डी आत्महत्या गरेको, १ वटा आगोागिको घटना भएको, ३ जना चोरी मुद्धा परेको, ३ वटा झगडा भएको, २ वटा चोरीको मोटरसाईकल नियन्त्रणमा लिएको, जनचेतनामूलक कार्यक्रम २८ वटा गरेको र ८ वटा सिसिटिभी जडान गरेको उँहाले बताउनुभयो ।
एनटिसीको नेटवर्क राम्रो नहँुदा समाजमा घटेको घटनाको सूचनामा ढिलाई भएको प्रहरी निरिक्षक लामाले बताउनुभयो ।
उक्त कार्यक्रममा गाउँपालिका उपाध्यक्ष मिमबहादुर वाईबा, प्रमुख प्रशासकीय अधिकृत रामबहादुर तामाङ, गाउँपालिका प्रवक्ता वसन्त कुमार लामा, वडाध्यक्षहरू गाउँपालिकाका शाखा प्रमुखहरू सञ्चाकर्मीहरू र स्थानीयहरूको उपस्थिती रहेको थियो ।
