काभ्रे,
काभ्रे जिल्लाको बनेपा नगरपालिकामा आजबाट चण्डेश्वरी जात्रा शुरु भएको छ । २५ सय वर्ष अगाडिदेखि मनाईदै आएको यस प्रसिद्ध चण्डेश्वरी जात्रा आज विहान बाट बिबिध पुजाआजा गरी सुभारम्भ गरीएको हो । सबै समुदायसँग प्रत्यक्ष जोडिएको हुनाले जात्रालाई बनेपाका बासिन्दाले दशैं तिहारभन्दा ठूलो पर्वको रुपमा लिने गरेका छन् । बनेपामा हरेक वर्ष चण्डी पूणिर्मादेखि तीन दिनसम्म जात्रा मनाउने गरिन्छ ।
जात्राको पहिलो दिन आज विहान सबेरै मत पूजा (चिराग यात्रा) गरिन्छ । दोस्रो दिन बिहानसम्ममा सोही स्थानमा रहेको देवी सहितको खटलाई विधिपूर्वक पूजाआजा सकेर पुनः खटलाई बनेपाको वकुटोलतर्फ ल्याउने गरिन्छ । खटलाई प्राचीन लायकू दरबारसम्म पु¥याइन्छ र त्यहाँबाट चण्डेश्वरी देवीको मूर्तिलाई अर्को सानो खटमा राखेर पुनः वकुटोलमै ल्याउने गरिन्छ । मूर्तिलाई सानो खटमा राखेर पुनः चण्डेश्वरीमा पु¥याएपछि जात्रा सकिने गर्दछ ।
