काभ्रे,
रोशी गाउँपालिका–१० वाल्टिङमा अवस्थित पञ्चकन्या माध्यामिक विद्यालयको ७६औं वार्षिक उत्सव सम्पन्न भएको छ । हिजो (बुधबार) रोशी गाउँपालिकाका अध्यक्ष दिनेश लामाको प्रमुख आतिथ्यतामा तथा विद्यालय व्यवस्थापन समितिका अध्यक्ष दुधराज घलानको सभापतित्वमा विद्यालयको ७६औं बार्षिकोत्सव मनाईएको हो ।
कार्यक्रममा प्रमुख आतिथि एवम् गाउँपालिकाका अध्यक्ष दिनेश लामाले विद्यालयहरुकोे उन्नति प्रगतिका लागि पालिकाले सहयोग गर्दै आएको र आगामी दिनमा पनि सहयोग गर्दै जाने बताउनुभयो । यस क्षेत्रको शिक्षा बिकासको लागि विद्यालयको उल्लेखनीय योगदान रहेको बताउदै गुणस्तरीय शिक्षा प्रदानको लागि लाग्न अनुरोध गर्नुभयो ।
गाउँपालिकाका शिक्षा शाखा प्रमुख ठाकुर प्रसाद दाहालले गुणस्तरीय शिक्षा दिनको लागि शिक्षकहरूलाई निर्देशन दिनुहुदै आवश्यक सहयोग गर्न गाउँपालिका तयार रहेको बताउनुभयो ।
विद्यालयको बारेमा जानकारी दिनुहुदैै प्रधानाध्यापक रामचन्द्र घिमिरे चण्डी पाठ र गिता पाठ गर्नको लागि शिक्षा दिन २००६ सालमा विद्यालय सुरु गरेको बताउनुभयो । हाल विद्यालयमा २५३ जना विद्यार्थी अध्ययनरत छन् ।
उक्त कार्यक्रममा रोशी–१० का वडासदस्य एकरत्न घलान, पूर्व विद्यालय व्यवस्थापन समितीका अध्यक्ष हरि सपकोटा, वडासचिव पार्वती विक, पूर्व अध्यक्ष सेमन्तराज सापकोटा लगायतले विद्यालयको वार्षिक उत्सवको अवसरमा सफलताको शुभकामना दिएका छन् ।
कार्यक्रममा विद्यार्थीहरूले विभिन्न नृत्य, गीत तथा साङ्स्कृतिक प्रस्तुतिहरू प्रस्तुत गरेका थिए । उत्कृष्ठ विद्यार्थीहरूलाई पुरस्कार कोषबाट पुरस्कार, वार्षिकोत्सबको अवसरमा भएको खेलकुदमा विजय हुने छात्रछात्राहरूलाई पुरस्कार, मेडल र ट्रफी वितरण गरिएको थियो ।
