२०७७–जेठ २६,
काभ्रेपलाञ्चोक/

काभ्रेको चौरीदेउराली गाउँपालिका– ७, मादनकुडारीस्थित आफ्नै घरको छतबाट खसेर एकजनाको मृत्यु भएको छ ।

आफ्नै घरको छतमा तीनमहिने नाति खेलाउने क्रममा लडेर घाइते भएका ४३ वर्षीय कुलबहादुर लामाको उपचारका लागि बनेपास्थित शिर मेमोरियल अस्पतालमा लैजाँदै गर्दा मृत्यु भएको स्थानीय उजाड लामाले जानकारी दिए ।
आफ्नै घरको छतमा तीनमहिने नातिलाई खेलाउने क्रममा रिँगटा लागि खसेर बाजे र नाति दुवै घाइते भएका थिए,’ लामाले भने, ‘उपचारका लागि लैजाँदै गर्दा बाजेको बाटोमै मृत्यु भयो, नातिको उपचार भइरहेको छ ।’

जिल्ला प्रहरी कार्यालय काभ्रेका अनुसार शिर मेमोरियल अस्पतालमा मृतकको पोष्टमार्टम गर्ने तयारी भएको छ । घाइते तीनमहिने शिशुको टाउकोमा ठक्कर लागेकाले थप उपचारका लागि धुलिखेल अस्पतालमा लगिएको प्रहरीले जनाएको छ । नयाँपत्रिकाबाट

Facebook Comments