काभ्रे,
काभ्रेपलान्चोक जिल्लाको धुलिखेल नगरपालिका वडा नम्बर ४ ले वडाभित्रका विपन्न समूदायका नागरीकहरुलाई ड्राइभिङ तालिम दिने भएको छ । आर्थिक वर्ष २०७९÷०८० को स्वीकृत वार्षिक वडागत शीपमूलक कार्यक्रम अन्तर्गत आयस्तर तथा क्षमता अभिवृद्धिका लागि वडाका १६ विपन्न समूदायका नागरीकहरुलाई ड्राइभिङ तालिम दिन लागिएको हो । २० देखि ३० बर्ष समूहका ब्यक्ति तालिममा सहभागि हुन पाउनेछन् ।
तालिममा सहभागि हुनको लागि यही १४ गतेभित्र वडा कार्यालयमा निवेदन दिनुपर्ने बताईएको छ । यदि तालिमको लागि १६ जना भन्दा बढीको आवेदन परेमा गोलाप्रथाद्वारा सहभागि छनौट गरिनेछ । निवेदनको साथमा नेपाली नागरिकताको प्रमाणपत्रको प्रतिलिपी, पासपोर्ट साईजको २ प्रति फोटो, स्थायी रुपमा वसोवास गरेको हुनुपर्ने, वसाईसराईको हकमा बसाईसराई प्रमाणपत्रको फोटोकपी वडा कार्यालयमा उपलब्ध गराउनुपर्ने बताईएको छ ।
