काभ्रे,
आजबाट काभ्रेपलाञ्चोक जिल्लामा दोस्रो बागमती प्रदेश खेलकुद प्रतियोगिताका लागि खेलाडी छनौट सुरु भएको छ । आजबाट काभ्रेबाट विभिन्न विधाका १३ वटा खेलमा खेलाडी छनौट गरिनेछ । विहान ११ बजेट बनेपामा आइटीएफ तेक्वाण्डो बिधाको खेलाडी छनौट गरिनेछ । छात्र र छात्राको खेलाडी छनौट गरिने काभ्रेपलाञ्चोक जिल्ला खेलकुद विकास समितिका अध्यक्ष मानबिर वाईबाले जानकारी दिनभुयो । अध्यक्ष वाईबाका अनुसार १९ गतेभित्र खेलाडी छनौट सकिनेछ । भोली धुलिखेलमा रग्बी खेलको खेलाडी छनौट हुने । १६ गते जुडोको बनेपामा, छात्रा फुटबल धुलिखेल र काठमाण्डौ विश्व विद्यालयको खेल मैदानमा छात्र किक्रेट विधाको खेलाडी छनौट गरिनेछ ।
१७ गते बनेपामा उसुको खेलाडी छनौट गरिनेछ । १८ गते लायकुमञ्च बनेपामा भलिबल छात्र÷छात्रा, धुलिखेल रंगशालामा छात्र फूटबल, बेलर मल्टिरियम हलमा डब्लुटिएफ तेक्वाण्डो छात्र÷छात्रा, बनेपामा बक्सिङ छात्र÷छात्रा, पनौती रंगाशाखा एथ्लेटिक्स छात्र÷छात्रा र पनौती क्षेत्रीय कबर्डहलमा ब्याटमिण्टन खेलको छात्र÷छात्रा खेलाडी छनौट गरिने छ । १९ गते बेलर मल्टिरियम हलमा कराँते छात्र÷छात्रा तर्फका खेलाडी छनौट गरिने अध्यक्ष वाईबाले बताउनुभयो ।
