आज तिहारको तेस्रोे दिन गाईको पूजाआजा गरि मनाइँदै

काभ्रे,

आज यमपञ्चक अर्थात् तिहारको तेस्रोे दिन आज गाई तिहार, गाईको पूजाआजा गरि मनाइँदै छ । यो वर्ष गोरु तिहार भने भोलि परेको छ । तिथिहरूको घटबढका कारण यो वर्ष लक्ष्मी पूजा हिजै गरिए पनि गाई तिहार भने आज मनाइँदैछ । गाईलाई पूजा गर्नाले गाईबाट आमाबाट जस्तै माया पाइने धार्मिक विश्वासका साथ पूजा गरि गाई तिहार मनाउन लागिएको हो ।
हरेक वर्ष तिहारमा गाईको पूजा गर्ने गरिन्छ । हिन्दु धर्मावलम्बिहरूले आज धुमधामका साथ गाईको पूजा गरी गाई तिहार मनाउँछन् । गाई जगत जननी भएकाले पनि हिन्दु संस्कार अनुसार पूजा गर्ने गरिएको सर्वसाधारणहरू बताउँछन् । गाईको दूध, गहुँत, गोबर पवित्र हुने भएकाले पनि गाईको पूजा गर्ने गरिएको मानिसहरूको भनाइ छ । आधुनिक विज्ञानले समेत स्थानीय गो रस विभिन्नि रोगहरूमा अचुक औषधिका रूपमा प्रयोग गर्दा मानव स्वास्थ्यलाई फाइदा पुग्ने भनि अनुसन्धानबाट प्रमाणित गरेपछि गाईको महत्व अझ बढेको छ ।