आज संविधान दिवस, सरकारले ९ सय ९८ जनालाई विभूषण दिँदै

काभ्रे,

आज संविधान दिवस देसैभर बिभिन्न कार्यक्रमको आयोजना गरि मनाईदैछ । नेपालमा नयाँ संविधान कार्यान्वयनमा आएको ७ वर्ष पूरा भएको छ । नागरिकलाई लोकतन्त्र, गणतन्त्रको अनुभूत र अधिकार सम्पन्न गराउने उद्देश्यले २०७२ असोज ३ मा नयाँ संविधान जारी गरिएको थियो । २०७२ साल असोज ३ मा नयाँ संविधान लागु भएदेखि सरकारले हरेक वर्ष असोज ३ मा संविधान दिवस मनाउँदै आएको छ । दिवसको अवसरमा आज सरकारले काठमाडौँको टुँडिखेलमा विशेष समारोहको आयोजना गरेको छ ।
संविधान दिवसको अवसरमा आज ९ सय ९८ जनालाई विभिन्न मानपदवी, अलङ्कार र पदकद्वारा विभूषित गर्ने कार्यक्रम रहेको छ । राष्ट्रपति विद्यादेवी भण्डारीलेसरकारले सार्वजनिक गरेको नामावली अनुसार यस पटक ‘नेपाल रत्न’ स्वर्गीय पूर्वप्रधानमन्त्री सुशील कोइरालालाई मरणोपरान्त प्रदान गर्ने भएको छ ।‘राष्ट्र गौरव’ स्वर्गीय जीवराज न्यौपाने, मन्त्रिपरिषद्का पूर्वअध्यक्ष र सत्यमोहन जोशीलाई प्रदान गरिने भएको छ ।