काभ्रे,
जिल्ला प्रहरी कार्यालय काभ्रेले आत्महत्या रोकथामका लागि सचेतनामूलक कार्यक्रम सञ्चालन गरेको छ । ‘आशा जगाऔं, जीवन बचाऔं’भन्ने मूल नारासहित आज (आइतबार) जिल्ला प्रहरी कार्यालय काभ्रेपलाञ्चोकको आयोजनामा जिल्ला प्रहरीका कार्यालय काभ्रेका प्रमुख प्रहरी उपरीक्षक चक्रराज जोशीको अध्यक्षता र प्रमुख जिल्ला अधिकारी हुमकला पाण्डेको प्रमुख आतिथ्यतामा आत्महत्या रोकथामका लागि सचेतना कार्यक्रम सम्पन्न भएको हो । कार्यक्रममा मनोपरामर्श कर्ता निर्मला काफ्ले, कार्यक्रमको प्रमुख अतिथि प्रमुख जिल्ला अधिकारी हुमकला पाण्डे, स्वास्थ्य कार्यालय काभ्रेपलाञ्चोकका प्रमुख डा.पुरुषोतम सेढाई, बनेपा नगरपालिकाका उप–प्रमुख बिमला सापकोटा दाहालले आत्महत्या रोकथामको विषयमा मन्तव्य राखेका थिए भने जिल्ला प्रहरी कार्यालय काभ्रेका प्रमुख प्रहरी उपरीक्षक चक्रराज जोशीले आत्महत्या रोकथाममा नेपाल प्रहरी विषयमा प्रस्तुतीकरण दिनुभएको थियो ।
पछिल्लो समयमा आत्महत्याले विकराल रुप लिने गरेको भन्दै यसको विरुद्धमा सबैलाई सचेत बनाउन कार्यक्रमको आयोजना गरिएको जिल्ला प्रहरी कार्यालय काभ्रेका प्रमुख प्रहरी उपरीक्षक जोशीले बताउनुभयो ।
