अशोकबुद्ध लाम–रोशी, असोज १५
जिल्लाको रोशी गाँउपालीका वडा नम्बर ११ मा सामाजिक सुरक्षा भत्ता वितरण गरिएको छ । वडा अध्यक्ष मिलन लामाले वडामा भएका १०५ जना जेष्ठ नागरिक, एकल महिला, बालबालीका, अपाङ्गताभएका व्यक्तीहरुकोे घरघरमा नै पुगेर भत्ता बितरण गरेका हुन् ।
दशैँ नजिकिदै गर्दा आर्थिक संकटमा परेका व्यक्तिहरु घरघरमानै भत्ता पाउँदा अत्ति खुसी हुँदै लामालाई धन्यवाद दिएका छन् । घरमै भत्ता पाउँदा जेष्ठ नागरिक राम बहादुर विश्वकर्माले “हामी वडा कार्यलय सम्मा पुग्न गाह्रो हुन्थ्यो, आज घरघरमा भत्ता पाउँदा असाध्यै खुसी छु” भने ।
रेडियो रोशी सँग कुरा गर्दै वडा अध्यक्ष मिलन लामाले ”दशैको मुखमा पैसाको अवश्यकता हुने भएकोले घरघरमा सामाजिक सुरक्षा भत्ता वितरण गर्दै दशैको शुभकामना बाँड्ने प्रयास गरेको“ बताए । बृद्धावस्था भएका आमाबुबाको आशिर्वाद पाउँदा आफु खुसी भएको लामाले बताएका छन् ।

Facebook Comments