काभ्रे÷देबराज उप्रेती,
काभ्रेको क्याम्पसहरुमा स्ववियु निर्वाचन अनिश्चित बनेको छ । स्वतन्त्र विद्यार्थी युनियन निर्वाचनका लागि आज देशभरका आङ्गिक र सामुदायिक क्याम्पसमा उम्मेदवारी दर्ता सुरु भएपनि काभ्रेका कुनैपनि क्याम्पसहरुमा मनोनयन दर्ता हुन सकेको छैन् । काभ्रे क्याम्पस प्रमुख र नेकपा एमालेको पार्टि तथा प्रमुख नेताहरुसँग बिगत २ बर्षदेखी बिवादका कारण नेकपा एमालेको बिद्यार्थी सँगठनहरुले स्ववियु निर्वाचन हुन नदिने आशयले विभिन्न बहानाहरु बनाई क्याम्पसहरुमा ताला लगाउन सुरु गरेसँगै काभ्रेको क्याम्पसहरुमा स्ववियु निर्वाचन अनिश्चित बनेको हो । त्यसैगरि धुलिखेल क्याम्पसमा ७३ जना गैर विद्यार्थीहरु भर्ना गरेको भन्दै ने बि संघले क्याम्पसमा ताला लगाएपछि काभे स्ववियु निर्वाचनको बिषय चुलिएको हो ।
स्वबियु निर्वाचनको लागि चैत ५ गते निर्वाचनको कार्यतालिका रहेको छ । यस अघि नै एमाले निकट अनेरास्ववियु र माओवादि निकट अनेरास्ववियु क्रान्तिकारीले काभ्रेको काभ्रे बहुमुखी क्याम्पस, चैतन्य बहुमुखी क्याम्पस, ईन्द्रेश्वर , पार्वती र तेजगंगा क्याम्पसमा ताला लगाए पछि नेपाली कांग्रेस निकट नेपाल विद्यार्थी संघले पनि काभ्रेको अन्य मुख्य क्याम्पसमा ताला लगाए पछि निर्वाचन अनिश्चित भएको हो । अब तत्कालै क्याम्पसका नेता तथा प्रमुखहरुले आक्रोशित विद्यार्थीहरुलाई छलफलमा बोलाएर निर्वाचनको नयाँ कार्यतालिका सार्वजनिक गर्नुपर्ने एक नेताले बताएका छन् ।
