काभ्रे,
प्रधानमन्त्री पुष्पकमल दाहाल प्रचण्डले यही जेठ ७ गते विश्वासको मत लिनुहुने भएको छ । प्रचण्डले यही जेठ ७ गते विश्वासको मत लिने जानकारी गराएपछि सङ्घीय संसदले तयारी अघि बढाएको छ । प्रचण्डले आफ्नो तेस्रो कार्यकालमा चौँथो पटक विश्वासको मत लिन लाग्नुभएको हो ।
गत वैशाख ३१ मा जनता समाजवादी पार्टी नेपाल जसपा विभाजन भएपछि अध्यक्ष उपेन्द्र यादवले सरकारलाई दिएको समर्थन फिर्ता लिएकाले प्रधानमन्त्री प्रचण्डले विश्वासको मत लिन लागेका हुन् । २०७९ साल पुस १० गते प्रधानमन्त्री बन्नुभएको प्रचण्डले विश्वासको मत लिन लागेको यो चौथो पटक हो । सभामुख देवराज घिमिरेका प्रेस सल्लाहकारका अनुसार विश्वासको मतका लागि प्रधानमन्त्रीको सचिवालयले संसद् सचिवालयलाई पत्र पठाइसकेको छ। सत्ता साझेदार दलले समर्थन फिर्ता लिए ३० दिनभित्र विश्वासको मत लिनुपर्ने संवैधानिक व्यवस्था छ । प्रधानमन्त्री प्रचण्डलाई विश्वासको मत हासिल गर्न १ सय ३८ सांसदको समर्थन आवस्यक छ ।
