काभ्रे,
काभ्रेको प्रतिनिधी सभा क्षेत्र नं १ मा स्वतन्त्र उम्मेदवारी दिनुभएको माधवप्रसाद कंडेलले लोकतान्त्रिक – बाम गठबन्धनलाई सघाउने घोषणा गर्नुभएको छ । गठबन्धनले कात्तिकेदेउरालीमा गरेको चुनावी सभामा बोल्दै उनले गठबन्धनका तर्फबाट प्रतिनिधी सभा क्षेत्र नं १ का उम्मेदवार सुर्यमान दोङ लालध्वज र गठबन्धनका उम्मेदवारलाई सघाउने घोषणा गर्नुभएको हो ।
स्वतन्त्र उम्मेदवारका रुपमा उठाएका आफ्ना चुनावी अजेण्डा र प्रतिवद्धता गठबन्धनका उम्मेदवारले पुरा गर्ने प्रतिवद्धता जनाएकोले आफ्नो उम्मेदवारी निष्कृय पार्दै गठबन्धनलाई सघाउने निर्णय गरेको कंडेलले बताउनुभयो । विकास र समृद्धी नै आफ्नो अजेण्डा भएको भन्दै उनले त्यसको लागि लोकतान्त्रिक –बाम गठबन्धनलाई जिताउन आवस्यक रहेको जिकिर गर्नुभएको छ ।
