काभ्रे,
रोशी गाउँपालिकाले आर्थिक वर्ष २०८०÷०८१ को वार्षिक नीति, कार्यक्रम बजेट तर्जुमाको निम्ति राय सुझाव संकलन गरिरहेको छ । गाउँपालिकाले एक सूचनाजारि गर्दै यहि जेठ ३१ गते सम्म सुझाव संकलन गर्ने भएको छ ।रोशी १ देखि १२ भित्रबसोबास गर्ने वडा सम्पूर्ण नागरिक, बुद्धिजिवी, समाजसेवी, राजनीतिकब्यक्तित्व, कर्मचारी तथा सम्पूर्ण सरोकारवालाहरुमा योजनालाई सल्लाह, सुझावतथा राय पेश गर्न अनुरोध गरेको छ । संकलन भएको सल्लाह, सुझाव तथा राय कै आधारमा वडामा बजेट बिनियोजन हुने भएकोले वडाबासीलाई सहभागीताको लागि अनुरोध गरिएको छ । विशेष गरि आर्थिक क्षेत्र अन्तर्गत कृषि, भूमिव्यवस्था, सिंचाई, पशुपन्छि, सहकारी तथा गरिबी निवारण, उद्योग,वाणिज्य तथाआपूर्ति, सम्पदा, संस्कृति तथा पर्यटन, श्रम तथा रोजगारीको क्षेत्रमा सुझाव संकलन भईरहेको छ ।
त्यसैगरी सामाजिक क्षेत्र तर्फ स्वास्थ्य तथा पोषण शिक्षा, विज्ञान तथा प्रविधि, खानेपानी तथा सरसफाई, युवा खेलकुद तथा नवप्रवर्तन, महिला बालबालिका तथा सामाज कल्याणको क्षेत्रमा ,पूर्वाधार क्षेत्र तर्फ भवन, आवास, बस्ति तथा शहरी विकास, सडक, पुल, यातायात व्यवस्था, जलस्रोत विद्युत तथा वैकल्पिक उर्जा, सूचना तथा सञ्चार क्षेत्रमा ,वनवातावरण तथा विपद् व्यवस्थापन तर्फ वन तथा जैविक विविधता, भू संरक्षण तथा जलाधार व्यवस्थापन, वातावरण तथा फोहोर मैला व्यवस्थापन, विपद् व्यवस्थापन तथा जलवायु उत्थानशीलताको क्षेत्रमा सुझाव संकलन भईरहेको छ ।
सुशासन तथा संस्थागत विकास तर्फ नीति, कानुन, न्यायतथा सुशासन, संगठनात्मक विकास, मानव संशाधन तथा सेवा प्रवाह, स्रोत परिचालन, तथ्यांक प्रणाली तथा योजना व्यवस्थापनको क्षेत्रमा सुझाव संकलन भईरहेको छ ।
त्यसैगरी राय सुझाव उपलब्ध गराउन सकिने स्थानहरु रोशी गाउँकार्यपालिकाको कार्यालय रोशी ७ अमलटार र सबै वडा कार्यालयहरुमा गएर सुझाव प्रदान गर्न सकिनेछ । त्यसैगरी राय सुझाव उपलब्ध गराउने माध्यमहरु भने इमेल roshi2073@gmail.com , ito.roshimun@gmail.com, त्यसैगरी हेल्लो रोशीगाउँपालिकाको फेसबुक मेसेन्जर र Viber /Whatsapp नम्बर ९८५१२०१९३५ को माध्यबाट सुझाव उपलब्ध गराउनको निम्ति रोशी गाउँपलिकाले अनुरोध गरेको छ ।
