काभ्रे,
काठमाडौंको कालिमाटी तरकारी बजारबाट लागुऔषध सहित रोशीका बालकृष्ण ठकुरी र अन्य बिभिन्न स्थानका ३ जना पक्राउ परेका छन् । विशेष सूचनाको आधारमा प्रहरी वृत्त कालिमाटीबाट खटिएको प्रहरीले उनीहरूलाई उक्त पदार्थसहित फेला पारी पक्राउ गरेको हो । पक्राउ पर्नेमा रोशी गाउँपालिका–१ घर भई हाल काठमाडौं टंकेश्वर बस्ने ३० वर्षीय बालकृष्ण ठकुरीसहित अन्य तीन जना रहेका छन् ।
उनिहरुको साथबाट अवैध लागूऔषध ब्राउनसुगर जस्तो देखिने पदार्थ करिब २४ ग्राम, डिजिटल तराजु थान–१, नगद २ लाख ३९ हजार ५ सय रुपैयाँ, प्याकिङ गर्न प्रयोग गरिने प्लाष्टिकहरु, मोबाइल ३ थान र बागमती प्रदेश ०२–०२४ प २९३३ नम्बरको मोटरसाइकल १ थान नियन्त्रणमा लिईएको प्रहरिले जनाएको छ ।
