काभ्रे,
जिल्ला समन्वय समिति काभ्रेपलाञ्चोकका प्रमुख दिपक कुमार गौतम झिकु खोलाले पुर्याएको क्षतिको स्थलगत अवलोकन गर्नु भएको छ । जिल्ला समन्वय समिति प्रमुख गौतमले बाढी कटान गरेको पाँचखाल नगरपालिका वडा नम्बर ६ मा पुगेर अवलोकन गर्नु भएको हो । बाढीले आधा दर्जन किसानको १० रोपनी भन्दा बढी खेती योग्य जमिन कटान गरेको थियो । जिसस प्रमुख गौतमले बाढी प्रभावित किसानसंग छलफल समेत गर्नुभएको छ ।
जिसस प्रमुख गौतमले आगामी दिनमा आउने बाढीबाट थप क्षति हुन नदिनका लागि स्थानीय तहसंग समन्वय गरेर रोकथामको पहल गर्ने बताउनुभएको छ । यहीँ भदौ २४ गते अविरलसंगै आएको बाढीले खेती योग्य जमिन कटान गरेको थियो ।
