रोशी सहकर्मी–बनेपा, कार्तिक ०५
काभ्रे जिल्लाको बनेपामा मोटर साइकल र बोलेरो जिप एक आपसमा ठोक्किदा एकको मृत्यु भएको छ । आज (मंगलबार) दिउँसो ४ः५५ बजे बनेपा न.पा.७ चारदोबाटो स्थित कृष्ण प्रसाद अस्पताल अगाडि पनौती–बनेपा सडक खण्ड अन्तर्गत पनौतीबाट बनेपा तर्फ आँउदै गरेको बा १८ च ३९५२ नम्बरको महेन्द्र बोलेरो गाडिले रोकिराखेको बा ५० प ४४४७ नम्बरको मोटरसाइकललाई पछाडिबाट ठक्कर दिएको हो ।
ठक्करका कारण मोटरसाईकल पछाडि सवार रहेकी पाँचखाल न.पा.७ बस्ने ४० बर्षीय सिता काफ्ले घाईते भएकी थिईन् । उनको उपचारको लागी शिर मेमोरीयल अस्पताल लगिएको र उपचारको क्रममा ५ः२० मा मृत्यु भएको जिल्ला प्रहरी कार्यलय काभ्रेले जनाएको छ ।
मोटरसाईकल चालक भने सुरक्षित रहेको र दुवै सवारी साधनलाई नियन्त्रणमा लिई घटनाको थप अनुसन्धान भईरहेको प्रहरीले जानाएको छ ।

Facebook Comments